2002-2003 Outstanding Service Award Recipient

Yung-San Liang, phD 梁 永 三 博士

Goar ee miaa si Niuu Efngsafm. Kinnii si viuar-nii, ma si goar ee 6-kvinii.
我 的 名 是 梁 永 三。 今 年 是 羊 年,也 是 我 的 六 庚 年.

Hienxzai goar ti`teq zoanbuun chi s0eaciaq l0e’ar ho kiarsefng-thaang toax.
現 在 我 在 專 門 飼 細 隻 螺 仔 給 寄 生 蟲 住。

Goar cyn-b0exhiao siar hunterng-laang ee oe, txnsi, na si iong Taiguo bunsuhoad,
我 真 為未 曉 寫 雲 頂 人 的 話, 但 是, 如 是 用 台 語 文 書 法,

goar t0 u-hoatto ciofng goar simkvoaf-lai sofsviu ee oe siar`zhutlaai laq.
我 就 有 法 度 將 我 心 肝 內 所 想 的 話 寫 出 來 啦.

Cit'ee bunsuhoad tuix goar laai korng, sidzai si ciog-u loxiong.
這 個 文 書 法 對 我 來 說 實 在 足 有 路 用.

Goar si Hoahuo Taiguo Haghau ee cidee baxnlieen lau-hagsefng.
我 是 華 府 台 語 學 校 的 一 個 萬 年 老 學 生.

Lie karm zaiviar z0x cidee hagsefng ee h0fzhux?
你 可 知 道 做 一 個 學 生 的 好 處?

Z0x hagsefng 0exsae ho larn ee thakhag b0e hiahniq'kirn t0 svisiefn.
做 學 生 可 以 給 我 們 的 頭 殼 不 會 那 麼 快 就 生 銹.

Lie na thauthviax ee sii, lauxsw ma lorng 0e sviu-paxnhoad th0ex lie kaykoad.
你 如 頭 痛 的 時, 老 師 也 攏 會 想 辦 法 替 你解 決.

Tegpiet si baxnlieen lau-hagsefng, y ee khorsvoaf si kiaar'kiaxkia`ee!!
特 別 是 萬 年 老 學 生, 他 的 靠 山 是 崎 崎 崎 的!!

Mxzay lirn karm u zhuobi laai zhamkaf gurn cit'ee hagsefng-thoaan`b0o?
不 知 你們 可 有 趣 味 來 參 加 我們 這個 學生 團 無?

 

Citpae Zurnpeeng-hviaf korng b0eq sviuo goar, hionghioong soaq ho goar saf-b0o niau'afmngg.
這 次 俊 平 兄 講 要 賞 我, 雄 雄 煞 給 我 抓 無 貓 仔 毛。

Auxlaai, goar ciaq zaiviar, goanlaai si in'ui goar sampud-goxsii 0e z0x cidkoar miqkvia khix ho tonghiofng ciah ee koanhe.
後 來, 我 才 知 道, 原 來 是 因為 我 三 不 五 時 會 做 一 些 物 件 去 給 同 鄉 吃 的 關 係。

Yn korng, goar si cyn-u aesym, thviarsym kab jiedsym tefng terng.
他們 講, 我 是 真 有愛心, 疼 心 和 熱 心 等 等。

Taxnsi, oan'orng laq! Goar nar u hiahniq'z0e sym neq?
但是,怨 枉 啦 ! 我 哪 有 那 麼 多 心 呢 ?

Goar kantvaf u cidee sym, ar hef t0 si sviuxb0eq iong hogbu laai z0x gixniu laq.
我 干 單 有 一個 心,而那 就是 想 要 用 服 務 來 做 藝 量 啦。

Iawk0q u laang korng goar cviagaau zwciah. Zef si k0hkhaq oan'orng aq!
還 有 人 講 我 很 會 煮 食。 這 是 更 加 怨 枉 啦 !

Goar cysi ti u sikafn ee sii, zuo cidkoar miqkvia paethog taixkef chieciah niaxnia.
我 只是在有 時 間 的 時,煮 一 些 物 件 拜 託 大 家 試 食 而 已。

 

Citpae b0eq sviuo goar, mxzay si b0eq ki0x goar k0hkhaq phahpviax thagzheq,
這 次 要 賞 我, 不 知 是 要 叫 我 更 加 打 拚 讀 書,

iafsi b0eq ki0x goar keasiok z0x miqkvia ho taixkef chieciah neq?
還是 要 叫 我 繼 續 做 物 件 給 大 家 試 食 呢 ?

B0lun-juh0o, goar lorng 0e keasiok jixncyn-phahpviax l0qkhix. T0sia taixkef.
無 論 如 何,我 攏 會 繼 續 認 真 打 拚 下 去。 謝謝大家。

Ciog taixkef kietsioong-juu-ix!!
祝 大 家 吉 羊 如 意 (吉祥如意 ) !!